يا نعيش مع بعض حبيبي يا نموت احنا الاتنين

امبارح وانا راكبه العربيه ومشغله الموبايل

فسمعت اغنية اليسا بتاعت يا عالم

وسمعت الكوبليه بتاع " يا نعيش مع بعض حبيبى يا نموت احنا الاتنين "

المهم يعني سيبك من ده كله بقي

فى البداية كدا هو سؤال واحد هيتبنى علية الموضوع
فعلا ممكن توصل الدرجة بالانسان او الانسانة انة

يتمنى الموت بعد فراق او موت حبيبه؟؟؟؟؟؟

السؤال دة بجد وجع دماغي وبسألة لنفسى كذا مرة

بس للأسف مش لاقيه الاجابة لحد دلوقتى

ساعات بنقول وبنحس حاجات من غير مانتعرضلها

مع ان لو اتعرض ليها حد مننا ممكن يكون الواقع

غير احساسة بمعنى وتوضيحا اكتر

لو اتعرضت حبيبتك لعملية كبيرة وخطيرة واحتاجت

من جسمك حاجة وطبعا الحاجة دى هيبقى ليها بديل فى جسمك

ساعتها هيبقى اية موقفك

هتكون وفى ومضحى ودة يرجع لدرجة حبك للانسانة

دى؟؟؟؟؟؟

ولا هتكون سلبى وهتخاف على نفسك وحياتك؟؟؟؟؟

والعكس لو انتى حصل لحبيبك كدا هتختارى انهى

اختيار الاول ولا التانى

يا جماعة علاقة الحب دى علاقة كبيرة اوى اوى اوى

مش مجرد كلمة او مجرد ماسج او مسيد او هدية فى الفلانتين

لالالالالا الحكاية اكبر من كدا بكتير اوى اوى اوى

الحب وفاء وتضحية واحساس قوى ما يغيرهوش

اى شىء فى الوجود غير قدر ربنا سبحانة وتعالى

انا مش عاوزه اطول عليكو اكتر من كدة بس صدقونى لسة الكلام مخلص

ولو فتحت فية اكتر من كدا مش هسكت

بس ياريت تقولوا هتختاروا انهى اختيار الاول ولا التانى

وياريت يكون الاختيار بجد ومن القلب وما يكونش مجرد

رد على الموضوع وخلاص يعنى غمض عينيك واتخيل

الموقف كدا وشوف هتختار انهى اختيار

انا عن نفسي اختار الموت لاني من بعد لانسانة الي انا بحبها دي مش هيكون لية اصلا هدف في حياتي ولانسان الي بدون هدف اية لزمتة انة يعيش في الدنيا احسن لة الموت غير كدة المفروض ان لانسان الراجل الي علي حق لو حببتة ضاعت منة وهوة بيحبها بجد المفروض انة مش يستاهل اي حاجة بعدها
اني احبك في الله يا مؤة
فعلا والله بحبك في الله

مشكورة على موضوعك الحساس ياموؤة

أولا الآغنية دى وكمان اغنية خد بالك عليا ليهم زكرى معايا عمرى ماهنساها أبدا
وبالنسبة للحب والتضحية
أنا عن نفسى من كتر مانجرحت ومن كتر مادوقت من عذاب اللى حبيبتهم مع ان كان حبى ليهم بكل اخلاص وود ووفاء
خلاص مابقتش اصدق ان فى حب مافيش حاجة اسمها حب مافيش شىء اسمه اخلاص ولا وفاء
انعدمت كل المشاعر ضاعت كل الآحاسيس
يمكن يتكلم كده من تجاربى
حد يمكن يرد عليا فى نفسو ويقول ده معقد من كتر اللى شافو واللى عاملهم
اقولو لا........انا لو كده ماكنتش احاول انى احب تانى وتالت ورابع
لآنى كنت دايما واثق ان لسة فى حب
ان لسة فى انسان على وجه الدنيا دى يستاهل انى اضحى علشانه
انسان يستاهل انى احبه انى اخده فى حضنى يحس بالآمان
وياخدنى فى حضنه واحس بالحنان

اخر كلامى ........بدعى لكل حبيب وحبيبه بيحبو بعض باخلاص انهم ينولو بعض

وتقبلى مرورى ...

ميرسي يا جماعه علي دخولكم الموضوع بتاعي واتمني بجد ان الي يحب يفضل يحب طول عمره وان الي بيحبه ميبعدش عنه بس لو بعد يبقي ميستهلش الحب اصلا ولازم ننساه ....